தமிழ்நாடு காவல்துறை போக்குவரத்துக் காவலர்கள் அமைப்பு (TPTWO) அதன் தாய்த்துறையான சென்னை போக்குவரத்துக் காவல் துறையுடன் இணைந்து, “இளைஞரைப் பிடிக்கவும்” என்ற கருத்தின் கீழ் சாலையைப் பயன்படுத்துபவர்களுக்கு சாலைப் பாதுகாப்பை ஏற்படுத்த திட்டமிட்டது. 1982 ஆம் ஆண்டு பாதுகாப்பு ரோந்து திட்டத்தின் கீழ், ஏழாம் வகுப்பு மற்றும் அதற்கு மேற்பட்ட வகுப்புகளில் பயிலும் பள்ளி மாணவ, மாணவிகள் சாலை பாதுகாப்பு கேடட்களாக (Road Safety Patrol) பதிவு செய்யப்பட்டுள்ளனர். தற்போது, சென்னை நகரில் 250 பள்ளிகளில் 18,500க்கும் மேற்பட்ட மாணவர்கள் சாலை பாதுகாப்பு கேடட்களாக பதிவு செய்யப்பட்டுள்ளனர். சாலை பாதுகாப்பு கேடட்களுக்கு போக்குவரத்து காவலர்கள் மூலம் பயிற்சி அளிக்கப்படுகிறது. ‘சாலைப் பாதுகாப்பு’ மற்றும் அதன் நடைமுறைகளின் பல்வேறு நுணுக்கங்கள் கற்று தரப்படுகிறது. மேலும் விழாக்காலங்களில் போக்குவரத்து ஒழுங்குப்படுத்தும் பணியில் மூத்த RSP கேடட்களும் பயன்படுத்தப் படுகின்றனர்.
மாணவ, மாணவிகளின்பயிற்சியை மிகவும் சுவாரஸ்யமாக்குவதோடு, “பாதுகாப்பான சாலை” பற்றி சிந்திக்கத் தூண்டுவதற்கும் TPTWO ஆண்டு தோறும் RSP கேடட்களிடையே பல்வேறு போட்டிகளை நடத்துகிறது. இது போன்ற செயல்பாடுகள் மற்றும் பயிற்சி அவர்களை ‘சாலை’ மற்றும் அதன் ‘பாதுகாப்பான பயன்பாடு’ பற்றி சிந்திக்க வைக்கிறது. இதன் மூலம் நல்ல சாலைப் பயனாளர்களை உருவாக்க முடியும். மேலும் இவர்கள் சென்னை நகரில் “பாதுகாப்பான சாலை” என்ற இலக்கை அடைய பெரிதும் உதவுவார்கள்.
தமிழ்நாடு காவல்துறை போக்குவரத்து காவலர்கள் அமைப்பினர், சென்னை பெருநகர காவல் துறையுடன் இணைந்து ஆண்டு தோறும் சாலை பாதுகாப்பு ரோந்து கேடட்களுக்கான தமிழ் மற்றும் ஆங்கிலத்தில் பேச்சு போட்டி, தமிழ் மற்றும் ஆங்கிலத்தில் கட்டுரை எழுதுதல், வினாடி-வினா, மாதிரி தயாரித்தல் அணிவகுப்பு மற்றும் பயிற்சிப் போட்டிகளை நடத்தி வருகின்றனர். இதனை தொடர்ந்து சென்னை, அண்ணாசாலை, சர்ச் பார்க்,பிரசன்டேஷன் கான்வென்ட், St.Ursulas A.I.Hr.Sec.School-ல்(Road Safety Patrol Inter School Competition-2022-2023) 150 பள்ளி மாணவர்களுக்கிடையே மேற்படி போட்டிகள் நடத்தப்பட்டது. இந்தப் போட்டியில் 500 RSP மாணவ, மாணவிகள் கலந்து கொண்டனர்.
இதனை தொடர்ந்து மதியம் சென்னை பெருநகர காவல் ஆணையாளர் சங்கர்ஜிவால், St.Ursulas A.I. Hr. Sec. School-ல் நடைபெற்ற பரிசளிப்பு விழாவில் கலந்து கொண்டு போட்டிகளில் வெற்றி பெற்ற பள்ளி மாணவ, மாணவிகளுக்கு பரிசுகள் மற்றும் சான்றிதழ்கள் வழங்கி பாராட்டினார்.
இந்நிகழ்ச்சியில் சென்னை பெருநகர போக்குவரத்து காவல் கூடுதல் ஆணையாளர் கபில்குமார்சி.சரத்கர், போக்குவரத்து தெற்கு இணை ஆணையாளர் N.M.மயில்வாகணன், தலைமை போக்குவரத்து வார்டன் ஹரிஷ்எல்.மேத்தா, துணை தலைமை போக்குவரத்து வார்டன் அசீம்அகமது, St.UrsulasA.I.Hr.Sec. School பள்ளி தலைமை ஆசிரியை சகோதரி புஷ்பா மற்றும் பள்ளி மாணவ ,மாணவிகள் கலந்து கொண்டனர்.