மதுரை மாவட்ட மருத்துவக்கல்லூரியில் ரூபாய் 20 இலட்சம் மதிப்பீட்டில் பழுதுநீக்கம் செய்யப்பட்ட பழமையான மின்தூக்கியை பயன்பாட்டிற்காக வணிகவரி மற்றும் பதிவுத்துறை அமைச்சர் பி.மூர்த்தி மற்றும் நிதி மற்றும் மனிதவள மேலாண்மைத்துறை அமைச்சர் முனைவர்.பழனிவேல் தியாகராஜன் ஆகியோர் திறந்து வைத்தார்கள். மதுரை மாவட்ட மருத்துவக்கல்லூரியில் அமைந்துள்ள மின்தூக்கி பழுதடைந்ததை ரூபாய் 20 இலட்சம் மதிப்பீட்டில் மின்தூக்கி சிறப்பு பழுதுநீக்கம் செய்யப்பட்டு புதுப்பிக்கப்பட்டு வணிகவரி மற்றும் பதிவுத்துறை அமைச்சர் பி.மூர்த்தி மற்றும் நிதி மற்றும் மனிதவள மேலாண்மைத்துறை அமைச்சர் முனைவர்.பழனிவேல் தியாகராஜன் ஆகியோர் திறந்து வைத்தார்கள்.
இந்நிகழ்ச்சியில், நிதி மற்றும் மனிதவள மேலாண்மைத்துறை அமைச்சர் முனைவர்.பழனிவேல் தியாகராஜன் தெரிவிக்கையில்:- மதுரை மருத்துவக்கல்லூரி தமிழ்நாட்டில் சிறப்பு வாய்ந்த பழமையான மருத்துவகல்லூரிகளில் ஒன்று. இக்கல்லூரியில்தான் ஒவ்வொரு தேர்தலின் போதும் வாக்கு எண்ணிக்கை நடைபெறும். மதுரை மருத்துவக்கல்லூரியில் அமைக்கப்பட்டுள்ள மின்தூக்கி பழுதடைந்து விட்டதால் அதனை மாற்றித்தர மருத்துவ மாணவர்கள் மற்றும் அலுவலர்கள் கோரிக்கை வைத்தனர். கோரிக்கையை ஏற்று தற்பொழுது புதிய நவீன மின்தூக்கி அமைக்கப்பட்டுள்ளது. மதுரை மருத்துவக்கல்லூரியில் 1967-ஆம் ஆண்டு மிகவும் பழமையான மின்தூக்கி அமைக்கப்பட்டு பயன்பாட்டில் இருந்து வந்துள்ளது. தற்சமயம் இந்த மின்தூக்கி அடிக்கடி பழுதிற்கு உள்ளாகி சரிசெய்ய உரிய உபரிபொருட்கள் சந்தையில் கிடைக்கப்பெறாமல் மின்தூக்கி பராமரிப்பில் குறைபாடு ஏற்பட்டு மின்தூக்கியில் செல்லும் பயணிகளுக்கு அசௌகரியங்கள் மற்றும் பாதுகாப்பு குறைபாடுகள் ஏற்படும் சூழ்நிலை கடந்த பல ஆண்டுகளாக இருந்து வந்துள்ளது.
இந்த சூழ்நிலையில், மதுரை மருத்துவ கல்லூயில் மின்தூக்கிக்கு ரூபாய் 18 இலட்சம் மற்றும் மின்பராமரிப்பு பணிகளுக்கு ரூபாய் இரண்டு இலட்சம் என மொத்தம் ரூபாய் 20 இலட்சம் மதிப்பீட்டில் மின்தூக்கி சிறப்பு பழுதுநீக்கம் செய்யப்பட்டு புதுப்பிக்கப்பட்டுள்ளது என நிதி மற்றும் மனிதவள மேலாண்மைத்துறை அமைச்சர் தெரிவித்தார்.