மதுரை மாவட்டம் கிழக்கு ஊராட்சி ஒன்றியத்துக்குட்பட்ட சக்கிமங்கலம் அருகே கார்சேரி கிராமத்தில் தீபாவளி பண்டிகையை முன்னிட்டு தூய்மை பணியாளரகள் மற்றும் பொதுமக்களுக்கு புத்தாடைகள் இனிப்புகள் மற்றும் பாத்திரங்கள் வழங்கும் நிகழ்ச்சி ஊராட்சி மன்ற தலைவர் பாண்டிஸ்வரி இளவரசன் தலைமையில் நடைபெற்றது.
50 தூய்மை பணியாளர்களுக்கு புத்தாடைகள் பாத்திரங்களும் ஏழை எளிய பொதுமக்களுக்கு புத்தாடைகள் இனிப்பு வகைகள் உள்ளிட்ட நலத்திட்ட உதவிகள் வழங்கபட்டன.
இந்நிகழ்ச்சியில் ஊராட்சி மன்ற துணை தலைவர் விஜி ராஜா, வட்டார வளர்ச்சி அலுவலர் சோனாபாய், உதவி பொறியாளர் விக்னேஷ், ஒன்றிய கவுன்சிலர் உமாமகேஸ்வரி மாவட்ட ஊராட்சி தலைவர் சூரியகலா கலாநிதி மற்றும் வார்டு உறுப்பினர்கள் பலர் கலந்து கொண்டனர்.
ஊராட்சி மன்ற தலைவர் பாண்டீஸ்வரி இளவரசன் ஊராட்சி முழுவதும் சொந்த செலவில் கண்காணிப்பு கேமரா மற்றும் ஏழை எளிய பொதுமக்களுக்கு அடிப்படை வசதிகள் நலத்திட்ட உதவிகள் வழங்கி பாராட்டு பெற்றிருப்பது குறிப்பிடதக்கது