மதுரை – டாக்டர் டி. திருஞானம் துவக்கப் பள்ளி சார்பாக ஜெனரல் பிபின் இராவத் -க்கு மாணவர்களும் , ஆசிரியர்களும் வீர வணக்கம் செலுத்தினர். இந்நிகழ்விற்கு ஆசிரியை வெங்கடலெட்சுமி தலைமை தாங்கினார். தலைமையாசிரியர் க.சரவணன் அஞ்சலி செலுத்தி பேசும் போது, ” ஜெனரல் பிபின் இராவத் முதல் முப்படைத் தளபதி ஆவார். இவர் உத்தரகாண்ட் மாநிலத்தில் பிறந்தார். 40 ஆண்டு காலம் இந்திய இராணுவத்தில் சேவை புரிந்துள்ளார். இவரது உயரிய சேவையை பாராட்டி பரம் விசிட்ட சேவா பதக்கம், உத்தம் சேவா பதக்கம், யத் சேவா பதக்கம் , சேனா பதக்கம் என பல விருதுகள் இந்திய அரசு வழங்கியுள்ளது.
இவரது சிறந்த பணியில் இந்திய மக்கள் பாதுகாப்பையும் , அமைதியையும் உணர்ந்த உள்ளனர். இவர் ஹெலிகாப்டர் விபத்தில் இறந்து விட்டார். அன்னாரது ஆன்மா சாந்தியடைய, வீர வணக்கம் செலுத்தி அஞ்சலி செய்கின்றோம். நன்றி ” என்றார். இந்நிகழ்ச்சியை ஆசிரியர்கள் வெங்கடலெட்சுமி, சுமதி ,சரண்யா, உஷாதேவி, பிரேமலதா , கீதா, பாக்யலெட்சுமி , சித்ராதேவி ஆகியோர் ஏற்பாடு செய்தனர்.